चिपळूण (ओंकार रेळेकर)शिवसेनेच्या ४० आमदारांनी गद्दारी केली तसेच राष्ट्रवादी काँग्रेस अजित पवार गटाच्या गद्दारी केलेल्या चाळीस आमदारांना देखील आपण पाडायचे आहे.असे आवाहन आ.भास्कर जाधव यांनी केले.
अनेकांची भातं शेतामध्ये आहेत, सकाळपासून गरम होत होतं पावसाचे वातावरण होते, ही सर्व माहिती असताना देखील भात शेतीची कामे असताना देखील आपण ग्रामस्थ हजारोच्या संख्येने आला आहात त्या अर्थी मी पन्नास हजाराच्या मताधिक्याने निवडून येणार यावर तुम्ही शिक्का मोर्तब केले आहेत असा विश्वास गुहागर विधानसभा मतदारसंघाचे उबाठा शिवसेना महायुतीचे उमेदवार आमदार भास्कर जाधव यांनी व्यक्त केला.
शिवसेना उबाठा महाविकास आघाडीचे गुहागर विधानसभा मतदारसंघाचे विधानसभेचे उमेदवार भास्कर जाधव यांच्या प्रचारार्थ सोमवारी सायंकाळी चिपळूण तालुक्यातील कळवंडे गावी मालदोरी जिल्हा परिषद गटाच्या पदाधिकारी व कार्यकर्त्यांचा मेळावा कळवंडे येथील उद्योजक वसंत उदेग यांच्या वर्षाव निवासस्थानी आयोजित करण्यात आला होता. या मेळाव्यात आमदार जाधव बोलत होते.आ.भास्कर जाधव ,जि.प माजी सदस्या मीनल काणेकर,उद्योजक वसंत उदेग,ज्येष्ठ शिवसैनिक अशोक नलावडे,बळीराम मोरे,शिवसेना तालुका प्रमुख पप्या चव्हाण,सुभाष मोहिते,सुशीला पवार आदी मान्यवर यावेळी व्यासपीठावर उपस्थित होते.
माजी पंचायत झाली आहे की मी कोणावर बोलू माझ्या समोर माझ्यासह सात जण उभे आहेत उरलेले सहा जणांना तुम्ही कधी पाहिले आहेत का उगाचच त्यांचे नाव घेऊन त्यांना मोठं का करू शिंदे शिवसेनेचे नेते गुहागरात आले ते काय माझ्यावर बोलले नाहीत राज ठाकरे आले ते काय माझ्यावर बोलले नाहीत रामदास भाई पण माझ्यावर काय बोलत नाहीत मग मी टीका कोणावर करू अडचणीच्या काळात सुखदुःखात तुमच्या सोबत कोण असतो त्याला मतदान करायचे की आता निवडणुकीपुरती आलेले आहेत त्यांना त्यामध्ये माझी थोडी अडचण झाली आहे की समाचार कोणाचा घेऊ अशा शब्दात आ.जाधव यांनी विरोधकांची खिल्ली उडवली.मी कधी कोणाच्या जातीपातीवर बोलत नाही त्यावर राजकारण आयुष्यात केलं नाही माझ्या कार्यकर्त्यांना देखील सांगत असतो समाजात वावरताना सर्व समाज घटकांमध्ये सर्व धर्मामध्ये स्वतःसाठी मानाचे पान निर्माण करा असे आवाहन देखील भास्कर जाधव यांनी यावेळी बोलताना कार्यकर्त्यांना केले.
आ. भास्कर जाधव आपल्या भाषणात म्हणाले की,
शिवसेनेच्या ४० आमदारांनी गद्दारी केली तसेच राष्ट्रवादी काँग्रेस अजित पवार गटाच्या चाळीस आमदारांना आपण पाडायचे आहे.आपल्या मतदार संघात जातीचा आधार घेत काही उमेदवार मते मागीत आहेत. त्याकडे आता फार लक्ष देऊ नका. आता कोणी जातपात मानत नाही, सर्वजण आपापसातील आपुलकी व ओलावा जपत असतो. काम करणाऱ्या माणसाच्या पाठीशी आता लोक उभे राहातात.
माझ्यासोबत ९० टक्के कुणबी समाज आहे.मागच्या वेळी बेटकर यांना ५२ हजार मते मिळाली केवळ कुणबी समाजाची नव्हती, तर सर्वच समाजाच्या मतदारांची होती. आता लोकांना सत्य माहीत आहे. कोरोनासारख्या महामारीत व अडचणीच्या काळात कोण धावून आले तेही लोक जाणतात. एखाद्या कार्यकर्त्याकडे मी गेलो नाही तर
कोणी नाराज होऊ नका, मीही माणूस आहे. तुम्हीही मला समजून घेतले पाहिजे.पक्षफुटीनंतर मी संपूर्ण महाराष्ट्रात फिरतोय अनेकांना अंगावर घेतोय,विधिमंडळात सत्ताधाऱ्यांना नामोहरम केले असे असताना राज्यभर तुमच्या आमदाराचे कौतुक झाले. गेल्या ४३ वर्षाच्या कारकीर्दीत माझ्या अंगावर लहानसा डाग नाही, याचा तुम्हाला अभिमान आहे की नाही. मी पक्षाशी एकनिष्ठ
राहिलो, मागच्यावेळी मला मंत्रीमंडळात संधी मिळाली नाही, पण आता मी मंत्री व्हावे,असे तुम्हाला वाटते ना मग महाविकास आघाडीच्या उमेदवारांना निवडून द्या. मी विजयी होणार आहेच,पण किमान ५० हजारांचे मताधिक्य मिळावे, यासाठी प्रयत्न करा. तसेच आरपीआयच्या काहींना मी जातीवाचक बोललो असे पसरविले जात आहे. मुळात तो व्हिडिओ नीट पाहा आणि त्यात मी कुठे आहे, काय बोललोय ते विचारा. मी जातीपातीचे राजकारण कधी करीत नाही, तरी मला बदनाम करण्यासाठी वंचतिच्या पुढाऱ्यांनी ही चाल खेळली आहे. त्याला मात्र काही लोकांनी फार महत्व दिले नाही कारण मला लोक अनेक वर्षे ओळखतात त्यांना माझा स्वभाव माहीत आहे, असेही आ. भास्कर जाधव यांनी सांगितले. वसंत उदेग,बळीराम मोरे यांनीही आपल्या भाषणात सरकारच्या अन्यायाविरोधी धोरणाविषयी जागृत कथा केली.खाडीपट्टा शिवसेना विभाग प्रमुख नितीन निकम,उपविभाग प्रमुख मिलिंद शिर्के,उपविभाग प्रमुख फैयाज शिरळकर,युवा सेना विभाग प्रमुख साहिल शिर्के,शिरळ शाखाप्रमुख हेमंत मोरे,सहकार सेना अध्यक्ष प्रभाकर जाधव,प्रकाश खेडेकर,
सामाजिक कार्यकर्ते सदा वरपे, नंदकुमार चव्हाण, सुनील तांबडे, दयाळ उदेग,नरेश झगडे,नंदकुमार कदम, शशी राऊत, संदीप चिले,नरेश घोले, संदीप कदम,विनोद सुर्वे, युवराज चव्हाण, हरिभाऊ चव्हाण, वैभव पवार,रुपेश शेलार,विजय कदम, संदीप जाबरे,गुरुनाथ उदेग,चंद्रकांत खोपडकर काँग्रेस राष्ट्रवादी उबाठा शिवसेना आरपीआय पक्षाचे पदाधिकारी व आणि महाविकास आघाडीचे कार्यकर्ते मोठ्या संख्येने यावेळी उपस्थित होते.
फोटो : मालदोली जिल्हा परिषद गटाच्या मेळाव्यात बोलताना आमदार भास्कर जाधव छायाचित्र दिसत आहेत (छाया : ओंकार रेळेकर)
